ከአየር መንገድ ጠፍተው ወደ ቤተሰብ ተቀላቅለዋል የተባሉት ግለሰቦች ላይ ማጣራት ተደርጓል ተባለ

Views: 59

ከኢትዮጵያ አየር መንገድ ጠፍተው ወደ ኅብረተሰቡ ተቀላቅዋል የተባሉት ግለሰቦች ወደ ሀገር የገቡት የግዴታ ለይቶ ማቆየት ከመተግበሩ በፊት ነው ሲል የጤና ሚኒስቴር አስታወቀ፡፡

መጋቢት 15 ቀን 2012 ዓ.ም ከዱባይ ወደ አዲስ አበባ የመጡ መንገደኛ ወደ ሀገር ከገቡ በኋላ ከአየር መንገድ በመጥፋት ወደ ኅብረተሰቡ ተቀላቅለዋል በሚል በማኅበራዊ ሚዲያዎች የተሰራጨው መረጃ ላይ የኢትዮጵያ የኅብረተሰብ ጤና ኢንስቲትዩት ማጣራት ማካሔዱን ጤና ሚኒስቴር አስታወቀ።

ግለሰቧ ከዱባይ ወደ አዲስ አበባ መጋቢት 08 ቀን 2012 ዓ.ም ከባለቤታቸው ጋር መምጣታቸውንና ወደ ሀገር ሲገቡ በቦሌ ዓለም አቀፍ አየር መንገድ የሚደረገውን የልየታ ሂደት ውስጥ ማለፋቸውን ገልጿል።

ግለሰቦቹ የገቡት የግዴታ ለይቶ ማቆየት ከመተግበሩ በፊት መሆኑንም አመልክቷል።

በቀጣይም ከኅብረተሰቡ የሚመጡ ጥቆማዎችን በመቀበል እና በማጣራት ተግባራዊ እርምጃ የሚወስድ መሆኑንም አመልክቷል ሲል ኢቲቪ ዘግቧል።

Comments: 0

Your email address will not be published. Required fields are marked with *

This site is protected by wp-copyrightpro.com