ባለፉት ሰድስት ወራት ለ1,270 ታራሚዎች ይቅርታ ተደርጓል

Views: 46

በተያዘው በጀት ዓመት ባለፉት ስድስት ወራት ለ1,270 ታራሚዎች ይቅርታ መደረጉን ጠቅላይ ዐቃቤ ሕግ አስታወቀ፡

በጠቅላይ አቃቤ ሕግ የይቅርታ ቦርድ ጽ/ቤት ኃላፊ የሆኑት አቶ ዘለቀ ደላሎ አንዳሉት በስድስት ወራት ውስጥ 2,934 ታራሚዎች የይቅርታ ጥያቄ ቀርቦና ተመርምሮ አስፈላጊው መረጃና ማስራጃ መሟላቱን በማረጋገጥ ለቦርድ እንዲቀርብና እንዲወሰን ተደርጓል ብለዋል፡፡

በዚሁ መሰረት የቀረቡ የይቅርታ ጥያቄዎችን በመመርመር ውሳኔ ለማሰጠት ከቀረበው የ2,934 የታራሚዎች ይቅርታ ጥያቄ ለ1 ሺህ 270 ታራሚዎች ብቻ ይቅርታ ተደርጎላቸዋል ብለዋል፡፡

በይቅርታውም ከመከላከያ ሚኒስቴር ወታደራዊ ማረሚያ ቤት የሚገኙ ታራሚዎች፣ በክልል ፍርድ ቤት ተፈርዶባቸዉ የፌዴራል ፍርድ ቤት ስልጣንና ኃላፊነት የሆኑ እንደ ቼክ፣ሀሰተኛ የገንዘብ ዝውውርና መሰል ጉዳዮች፣በፌዴራል ፍርድ ቤት ተፈርዶባቸው በክልል የሚታረሙ፣ በዝውውር በክልል ታስረው ያሉ ታራሚዎች ተጠቃሚ መሆናቸዉን አብራርተዋል፡፡

ኃላፊው አክለውም 1 ሺህ 664 ታራሚዎች የፈፀሙት ወንጀል የህዝብንና የመንግስትን ጥቅም የሚጎዳ በመሆኑ፣በማረሚያ ቤት ቆይታቸው በአግባቡ የታረሙ ባለመሆኑና አሁን ካለው ነባራዊ ሁኔታ ስርቆትና ውንብድን ሙሉ በሙሉ በሚባል መልኩ በይቅርታ እንዳይካተቱ በመደረጉ ምክንያት የህዝብንና የመንግስትን ጥቅም ለማስጠበቅ ሲባል ቦርዱ የይቅርታ ጥያቄያቸዉን ውድቅ አድርጎታል ሲሉ ተናግረዋል፡፡

በሌላ በኩል በልዩ ሁኔታ ልዩ ትኩረት ተሰጥቷቸዉ ይቅርታ የተደረገላቸዉ ታራሚዎች እንዳሉ የጠቆሙት አቶ ዘለቀ ከዚሁ ጋር በተያያዘ ለማረም ማነፁ በማይመች ሁኔታ ዉስጥ የሚገኙ በማረሚያ ቤት ቆይታቸው በማይድን ህመም የተያዙ 30 ታራሚዎች ፣ በእድሜ መግፋት ምክንያት 21 ታራሚዎች፣ እንዲሁም 49 የውጭ አገር ዜጎች በልዩ ሁኔታ ጉዳያቸዉ ታይቶ ይቅርታ ተደርጎላቸዋል ሲሉ አክለዉ ገልፀዋል።

Comments: 0

Your email address will not be published. Required fields are marked with *

This site is protected by wp-copyrightpro.com