ዜና

የ2012 የትምህርት ዘመን ሀገር አቀፍ ፈተና መስጫ የጊዜ ሰሌዳ ይፋ ሆነ

Views: 666

የ2012 የትምህርት ዘመን የ8ኛ እና የ12ኛ ክፍል ፈተና መስጫ የጊዜ ሰሌዳን ሀገር አቀፍ የትምህርት ምዘናና ፈተናዎች ኤጀንሲ ይፋ አድርጓል።

የ12ኛ ክፍል ሀገር አቀፍ ፈተና ከግንቦት 24 እስከ ግንቦት 27/2012 ዓ.ም የሚሰጥ ሲሆን የ8ኛ ክፍል ክልል አቀፍ ፈተና ደግሞ ከሰኔ 01 እስከ ሰኔ 03/2012 ዓ.ም ድረስ እንደሚሰጥ ነው ኤጀንሲው የገለጸው።

ከዚህ በፊት በተመሳሳይ ሰዓት ይሰጡ የነበሩ የማህበራዊና የተፈጥሮ ሳይንስ ፈተናዎች የተለያየ የማጠናቀቂያ ሰዓት የነበራቸው ፈተናዎች በአፈጻጸም ላይ ችግር ሲፈጠር ቆይቷል።

በመሆኑም ተመሳሳይ ሰዓት ያላቸውን ፈተናዎች ኬሚስትሪ እና ኢኮኖሚክስ፤ ባዮሎጂ እና ታሪክ በተመሳሳይ ሰዓት እንዲሰጡ ለውጥ መደረጉንም ሀገር አቀፍ የትምህርት ምዘናና ፈተናዎች ኤጀንሲ ጠቅሷል ሲል የዘገበው ኢቲቪ ነው።

Comments: 0

Your email address will not be published. Required fields are marked with *

This site is protected by wp-copyrightpro.com