አትሌት ኃይሌ ገ/ሰላሴ ፌስቡክን ለመክሰስ እያሰብኩ ነው አለ

Views: 66

ባለፉት ዓመታት በኢትዮጵያ ውስጥ የሚስተዋሉ የጸጥታ ችግሮች የከፋ ጉዳት እንዲያደርሱ የማኅበራዊ ትሥሥር ገጾች፣ በተለይም ፌስቡክ ትልቅ ድርሻ እንደነበረው ሻለቃ አትሌት ኃይሌ ገብረ ሥላሴ ተናገረ፡፡

አትሌት ኃይሌ ሲናገርም፣  ሀገር እየተጎዳ ነው፣ ህዝብም እየሞተ ነው፤ የኢትዮጵያ መንግሥት ፌስቡክ እያደረሰ ላለው ጥፋት የማይከስ ከሆነ፣ እኔ መክሰሴ አይቀርም ብሏል፡፡

በጥቂት ቀናት ውስጥ በርካቶች ሕይወታቸውን ማጣታቸውን የሚታወቅ በመሆኑ፣ ይህም ፌስቡክን ለመጠየቅ በቂ ነው ሲል ተናግሯል፡፡

ፌስቡክን ለትግል እና ለነጻነት ድምጽ ማሰሚያ አውለነዋል የሚል ሃሳብ ቢነሳም፤ አላስፈላጊ መስዋዕትነት ሊያስከፍል እንደማይገባና ጥንቃቄ ማድረግ ያስፈልጋል ብሏል፡፡

አትሌት ኃይሌ ማንም ሰው ውሎ አድሮ ለሰራው ጥፋት ከተጠያቂነት አያመልጥም በማለት ከፌስቡክ ባሻገርም፣ ኢትዮጵያ ውስጥ የተከፈቱ ሚዲያዎች በጥንቃቄ መስራት እንዳለባቸው አሳስቧል።

በሀገር ውስጥም ሆነ በውጭ የሚገኙ ኢትዮጵያውያን ወደ ደጋፊዎቻቸው የሚያደርሷቸውን ምስሎች እና ጽሑፎች ላይ ጥንቃቄ ሊያደርጉ ይገባል ሲልም ጠቁሟል፡፡

አትሌት ኃይሌ ሌላ አገር የተፈጠሩ እዚህ አገር እንደተፈጠሩ፣ ሌላ አገር የተቆረጡ እጆችና እግሮች እዚህ አገር እንደተቆረጡ፣ ሌላ አገር የተቃጠሉ ቤቶች እና ንብረቶች እዚህ አገር እንደተቃጠሉ አድርጎ ለጣጥፎ ማቅረብ፤ አድራጊውን ሰው ኋላ ላይ ዋጋ ያስከፍለዋል፡፡

አሁን ቁጭ ብሎ ቢያይ ነገ ከተጠያቂነት አያመልጥም ሲል በዚህ ተግባር የተሰማሩ አካላት ጥንቃቄ እንዲያደርጉ በማለት አሳስቧል-አትሌት ኃይሌ ገብረ ሥላሴ፡፡

Comments: 0

Your email address will not be published. Required fields are marked with *

This site is protected by wp-copyrightpro.com