ዜና

የዩኤኢ ፋይናንስ ሚኒስትር አረፉ

Views: 131

እስከ ፋይናንስ ሚኒስትርነት በደረሱ ከፍተኛ የኃላፊነት ደረጃዎችም ላይ አገልግለዋል ሼክ ሃምዳን ምክትል የዱባይ ገዢ እና ምክትል ጠቅላይ ሚኒስትርም ናቸው የተባበሩት አረብ ኤሚሬቶች የፋይናንስ ሚኒስትር ሼክ ሃምዳን ቢን ረሺድ አል መክቱም ማረፋቸው ተሰማ፡፡ ሼክ ሃምዳን የዩኤኢ ምክትል ፕሬዝዳንት፣ጠቅላይ ሚኒስትር እና የዱባይ ገዢ ሼክ ሞሃመድ ቢን ረሺድ አል መክቱም ወንድም ናቸው፡፡

ሼክ ሞሃመድ ቢን ረሺድ ምክትል የዱባይ ገዢ እንዲሁም የዩኤኢ የፋይናንስ ሚኒስትር የሆኑት ወንድማቸው ሼክ ሃምዳን ማረፋቸውን አስታውቀዋል፡፡ሼክ ሃምዳን እ.ኤ.አ በ1947 ነው በዱባይ የተወለዱት፡፡ የመጀመሪያና የሁለተኛ ደረጃ ትምህርትቸውን በዚያው በዱባይ ተከታትለዋል፡፡ ወደ እንግሊዝ አቅንተውም በካምብሪጅ ዩኒቨርስቲ ተምረዋል፡፡ ከዚያ መልስ ከዱባይ ከተማ ማዘጋጃ ሃላፊነት ጀምሮ እስከ ምክትል ጠቅላይ ሚኒስትርነት እና ፋይናንስ ሚኒስትርነት በደረሱ ከፍተኛ የኃላፊነት ደረጃዎች ማገልገላቸውን የህይወት ታሪክ መረጃዎቻቸው ያመለክታሉ፡፡

Comments: 0

Your email address will not be published. Required fields are marked with *

This site is protected by wp-copyrightpro.com