በታኅሳስ ወር ከ 344 ሚሊዮን ብር በላይ የሚያወጡ የኮንትሮባንድ ዕቃዎች በቁጥጥር ስር ዋሉ

Views: 47

ባሳለፍነው ታኅሳስ ወር ብቻ ከ 344 ሚሊዮን ብር በላይ ግምታዊ ዋጋ ያላቸው የተለያዩ የገቢ እና ወጪ የኮንትሮባንድ ዕቃዎች መያዛቸውን የገቢዎች ሚኒስቴር አስታወቀ።
በታኅሳስ ወር በተካሄደው ቅንጅታዊ የኮንትሮባንድ መከላከል ስራ ግምታዊ ዋጋቸው ብር 274 ሚሊዮን 708 ሺህ 289 የሆኑ የገቢ ኮንትሮባንድ ዕቃዎችና ሕገወጥ ገንዘቦች በቁጥጥር ስር ውለዋል፡፡
በሌላ በኩል ከ 70 ሚሊዮን ብር በላይ ዋጋ ያላቸው የተለያዩ ወጪ የኮንትሮባንድ አይነቶች መያዛቸው ተመላክቷል፡፡
በአጠቃላይ በወሩ ብር 344 ሚሊዮን 715 ሺህ 978 የሚያወጡ ልዩ ልዩ የኮንትሮባንድ ዕቃዎች ተይዘዋል፡፡
በገቢ ኮንትሮባንድ የተያዙት ዕቃዎች በተለይም በጅጅጋ፣ በሀዋሳ፣ በድሬዳዋ፣ በሞያሌና ኮምቦልቻ ቀዳሚውዎቹን ስፍራዎች የሚይዙ ሲሆን፣ በወጪ ኮንትሮባንድ ደግሞ አዲስ አበባ ኤርፖርት፣ ሀዋሳ፣ ሞያሌ፣ ጅማ እና ጅጅጋ ቅርንጫፍ ጽሕፈት ቤት ከፍተኛ መጠን ያለው የኮንትሮባንድ ዕቃ የያዙ ናቸው።
ወደ ውጭ ሊወጡ ሲሉ ከተያዙት እቃዎች መካከል አደንዛዥ ዕፆች፣ ሕገወጥ ገንዘብ፣ የተለያዩ የግብርና ምርቶች፣ ማዕድናት እና የቁም እንስሳት ሲገኙ በገቢ ኮንትሮባንድ ደግሞ ልባሽ ጨርቆች፣ ኤሌክትሮኒክሶች፣ የምግብ ምርቶች፣ የጦር መሳሪያዎች፣ መድኃኒትና ሌሎችም ዕቃዎች መካተታቸውን ከሚኒስቴሩ ያገኘኘው መረጃ ያመላክታል።

Comments: 0

Your email address will not be published. Required fields are marked with *

This site is protected by wp-copyrightpro.com