‹‹ረቂቅ ዓዋጁ የሚዲያ ኢንዱስትሪውን ለመገንባትና ሙያን መሰረት አድርጎ ብዝሃነትን ለማንጸባረቅ ፋይዳ አለው››

Views: 45

የመገናኛ ብዙሃን ረቂቅ ዓዋጅ ሙያን መሰረት በማድረግ በነጻነትና በኃላፊነት ብዝሃነትን ለማንጸባረቅና የሚዲያ ኢንዱስትሪውን ለመገንባት ትልቅ ፋይዳ እንደሚኖረው ጠቅላይ አቃቤ ሕግ ገለፀ።

የሕዝብ ተወካዮች ምክር ቤት የሕግ፣ የፍትህና የዴሞክራሲ ጉዳዮች ቋሚ ኮሚቴ ረቂቁን ላቀረቡትና ለሚመለከታቸው ኃላፊዎች ጥያቄዎች አቅርቧል።

በረቂቅ አዋጁ የተካተቱ አዋጆች፣ አንቀጾች፣ ድንጋጌዎችና ይዘቶች ላይ መካተትና ግልጽ መሆን አለባቸው የተባሉ ጥያቄዎችም የቋሚ ኮሚቴው አባላት አንስተዋል።

ለተነሱት ጥቄዎችም የሚመለከታቸው አካላት ማብራሪያና ምላሽ ሰጥተዋል።

ጠቅላይ አቃቤ ሕግ ዶክተር ጌዲዮን ጢሞቲዎስ የረቂቅ ዓዋጁን ይዘትና ዓላማ አብራርተዋል።

ረቂቅ ዓዋጁ በሕገ-መንግስቱ እውቅና የተሰጣቸውን ሃሳብን በነጻነት የመግለጽ፣ የፕሬስና የመገናኛ ብዙሃን ነጻ መብትን ተገቢ በሆነ ተቋማዊና ሕጋዊ ጥበቃ እንዲያገኝ ለማድረግ መዘጋጀቱን አብራርተዋል።

በመሆኑም መገናኛ ብዙሃን ሙያን መሰረት በማድረግ ብዝሃነትን ለማንጸባረቅ ጠንካራ ተቋም በመፍጠር የሚንቀሳቀሱበት ምኅዳር ለመፍጠር ጉልህ ፋይዳ ይኖረዋል ተብሏል።

Comments: 0

Your email address will not be published. Required fields are marked with *

This site is protected by wp-copyrightpro.com