ቅምሻ ከወዲያ ማዶ፡- አሜሪካ የ1 ሺህ ቻይናዊያን ተማሪዎችን ቪዛ ሰረዘች

Views: 48

አሜሪካ ለደኅንነቴ ያሰጉኛል በሚል የ1 ሺህ ቻይናዊያን እና ተመራማሪዎችን ቪዛ መሰረዟን አስታወቀች፡፡ ይህ እርምጃ ባለፈው ግንቦት ዶናልድ ትራምፕ ‹‹ቻይናዊያን ተማሪዎች መረጃ ይሰርቃሉ፤ ፈጠራ መብትን ይመነትፋሉ›› ብለው ቅሬታ ካቀረቡ በኋላ የተወሰደ የመጀመርያ ውሳኔ ነው፡፡ ቻይና በጉዳዩ ላይ ለጊዜው ምንም ያለችው ነገር የለም፡፡

በአሜሪካ ዩኒቨርስቲዎች በ2018 እና 2019 ዓ.ም ብቻ 370 ሺህ ተማሪዎች ተመዝግበዋል፡፡

የአሜሪካ ውጭ ጉዳይ ሚኒስትር ቃል አቀባይ በበኩሏ ‹‹ቪዛ የከለከልናቸው 2ኛ ዲግሪና የምርምር ሥራ ላይ ሊሰማሩ የነበሩትንና ስጋት የሆኑት ብቻ ነው››ብላለች፡፡

ይህ ቁጥር ከጠቅላላ የቻይና ተማሪዎች ጋር ሲነጻጸር እዚህ ግባ የሚባል አይደለም ብለዋል፡፡ ‹‹ቻይናዊያን ተማሪዎች አገራችን ገብተው እንዲማሩ አንከለክልም፡፡ ዓለማቸው ለኮሚኒስቱ ፓርቲ መረጃ ማቀበል እስካልሆነ ድረስ›› ብላለች ቃል አቀባይዋ፡፡

በግንቦት ወር በአሜሪካ የወጣው መመሪያ የቻይና መንግሥት ቻይናዊ ተማሪዎችን በመጠቀም ለብሔራዊ ደኅንነት አደገኛ የሆኑ ቴክኖሎጂዎችን ከአሜሪካ ይጠልፋል፣ የፈጠራ መብቶችን ይመነትፋል፣ ወሬም ያቀብላል ሲል ያውጃል፡፡

አንዳንድ በአሜሪካ ትምህርታቸውን እየተከታተሉ ያሉ ቻይናዊያን በበኩላቸው ከቅርብ ጊዜ ወዲህ በካምፓሶች ውስጥ በጥርጣሬ እንደሚታዩና የጥላቻ ንግግሮችን እንደሚያስተናግዱ በመግለጽ ሁኔታዎች እንዲለወጡ ጠይቀዋል፡፡

Comments: 0

Your email address will not be published. Required fields are marked with *

This site is protected by wp-copyrightpro.com